aaj yunhi

bas yunhi aaj keh de zara

ki darr mat , sath hu main tere khada

bas yunhi aaj ichha si hai

ki nihaarti rahu tera chehra

bas yunhi chehra takte takte

ruk jane de dil ko dhadakte dhadakte

bas yunhi kaali aankhon mein baste baste

kho jaane de mujhe hanste hanste

bas aaj yunhi dil ka koi taar chhoo jaa

zindagi bhar ka geet aaj hi mujhe de jaa

bas yunhi muskarake dekh le mujhe

aur bana le apna aankho ke ek hi ishare se

mere haatho par apna naam likh jaa

dil ka ankaha paigam likh jaa

chup chaap chala jaa chahe beshak

par chhodta jaa tab tadapte dil ka ek ashk

phoolon se na saja daaman mera

bas apni khushboo se kar de aaj savera

bas tujhe dekhte dekhte

kate mere din raatein

main sunti rahu muskurate

aur tu karta rahe baatein

lamha chhin jana hai yeh humse

par mujhe chhoo le yun ki yaad sath rahe

bhool jaega tu mujhe zindagi ke safar mein

par aaj gaa du yun ki mera geet yaad rahe